வ.கணபதிப்பிள்ளை (அதிபர்) பொருளாளர், கி.ஜெயசீலன் (உபசெயலாளர்), சி.சோதிலிங்கம் (உபதலைவர்) சிறப்பாகத் திருப்பணி வேலைகள் நடைபெற்றுக் கொண்டு வருகின்றது. உள்வீதி தெற்கு வாசலில் இருந்து மேற்குப்பக்கவீதிக் கொட்டகை, முருகன் வாசல் கொட்டகை தனிப்பட்ட அன்பர்கள் உபயமாகச் செய்துள்ளனர். தல்லையப்புலம் குமரன்குள மக்களெல்லாம் தங்கள் குலதெய்வம் என்று என்ன வேண்டுமென்றாலும் உடன் செய்துகொடுக்கின்றனர். வெளிக்காளி அம்மன் வைரக் கற்களால் தனிப்பட்ட முறையில் விஜயலட்சுமியால் கட்டப்பட்டுகும்பாபிஷேகம் செய்யப்பட்டுள்ளது. வடக்கு வீதி அகலமாகப் போடுவதற்கு த.சரவணை (ஆசிரியர்), திருமதிபொ.அன்னம் இருவரும் ஒரு பரப்புக் காணி தரும சாதனம் செய்துள்ளார் பாராட்டுதற்குரியது. அத்துடன் விநாயகப்பெருமான் எழுந்தருளி வ.கணபதிப்பிள்ளை அவர்களால் செய்து கொடுக்கப்பட்டன.

மேலும் பத்துநாள் (மஹோற்சவம்) திருவிழா நடத்துவதற்கும் உபயகாரர் விரும்பினார்கள். 2011ஆம் ஆண்டுதொடக்கம் ஆனி மாதத்தில் பத்துத் திருவிழா நடைபெற்று ஆனி உத்தரத்தில் தீர்த்தோற்சவம் நடைபெற்றுவருகின்றன. எல்லா மக்களும் உறவுமுறைக் குடும்பங்களாக ஒவ்வொரு திருவிழாவையும் சிறப்பாக நடத்திவருகின்றனர். சுவாமிகள் அழகாக அலங்கரிக்கப்பட்டு வீதிவலம் வருவதை மனங்குளிரக் கண்டு வாழ்த்திவணங்குகின்றனர். மேலும் கொடித்தம்பம், யாக அறை இவைகள் தனிப்பட்ட உபயகாரர்களால் செய்துகொடுக்கப்பட்டுள்ளது. இந்த உற்சவத்தில் ஆனி உத்தரம் தீர்த்தம் மிகவும் புனிதமானது. சிறப்பாக வெளியில்சுவாமிகள் தீர்த்தம் ஆடவேண்டுமென ஆசைப்பட்டோம். அம்பாளின் அருளால் வடக்கு வீதியில் காணிதான்பொருத்தமானது என விரும்பினோம். இரண்டு பரப்புக் காணி கேணி கட்டுவதற்காக திருமதி கிருஷ்ணபிள்ளைதங்கப்பாக்கியம் மனமுவந்து தரும சாதனம் செய்துள்ளார். இதன் பயனாக தல்லையப்புலம் வாசிகளும் கனடாவில்வசிக்கும் அ.முருகேசு குடும்பம், அ.தம்பிஐயா குடும்பம் நேரில் வந்து 2012இல் கேணியைக் கட்டுவித்து உத்தரதீர்த்தத்தில் கலந்து தரிசித்தனர். இந்தத் தீர்த்தக் கேணியைக் கட்டுவதற்கு உதவியாகவும் உறுதுணையாகவும்இருந்தவர் பரிபாலனசபை செயலாளர் ம.யேசுதாஸ் அவர்களே. இன்றும் கேணியை பராமரித்து வருகின்றார்.